Paniekknoppie met 24/7-bystand

AfriForum 911

AfriForum 911


AfriForum kondig met trots aan dat ons die bestaande AfriForum 911-nooddienste, wat ons reeds etlike jare gratis aan AfriForum-lede bied, nou uitgebrei het om ook ’n gratis selfoonpaniekknoppie in te sluit. Waar lede tot dusver telefonies hulp in noodgevalle by AfriForum 911 moes vra, kan hulp nou ook vinniger voorsien word bloot deur die druk van ’n knoppie op ’n selfoon.

Om van die beste beskikbare tegnologie gebruik te maak, het AfriForum besluit om die noodknoppie en nooddiens aan te bied in samewerking met ’n maatskappy wat ’n beproefde baanrekord het: TrackBox Technologies. TrackBox se bestaande nooddiensvennote sluit in die SAPD, die Valke, die K9-eenheid, 10111-sentrums, Netcare 911, ER24, die brand- en reddingsdepartemente, gevorderde lewensondersteuning, die Ethekweni Munisipaliteit en die Stad Kaapstad.

Wat is die AfriForum 911-toep?


Die AfriForum 911-toep is ’n noodgevaltoep wat op jou selfoon afgelaai kan word en jou selfoon dus in ’n noodgevalpaniekknoppie verander. Dié toep koppel jou direk aan enige van die toepaslike diensverskaffers dwarsoor Suid-Afrika. Deur middel van die AfriForum 911-toep kan diensverskaffers jou inligting vinnig bereik sodat die toepaslike sorg aan jou of jou gesin voorsien kan word. TrackBox se eenvoudige koppelvlak maak dit ook vir jou moontlik om verdagte aktiwiteite aan te meld, asook om GPS-ondersteunde waarskuwings toe te voeg – dit maak dus nie saak waar jy is nie: jy kan gevind en gehelp word. Eenvoudig gestel, TrackBox ontvang belangrike inligting wat behoeftes hanteer om ’n noodsituasie die hoof te bied. Deur jou inligting op TrackBox te gebruik, kan die beheerkamer dié inligting aan die noodeenhede deurgee sodat hulle jou noodgeval op die doeltreffendste wyse kan hanteer.

AfriForum 911 is ook in ’n omvattende betaalde weergawe beskikbaar. Sien vergelyking tussen omvattend en gratis hier.

N

’n Paniekknoppie op jou slimfoon vir aanvalle, kapings, huisbrake, diefstalle, brand, mediese noodgevalle.

’n “Skakel my terug”-funksie. ’n Boodskap word aan die beheersentrum gestuur, waarna die beheersentrum sal terugskakel.

N

Voltydse (24/7-) noodbystand wat ’n voltyds bemande beheerkamer behels wat gekoppel is aan nooddienste wat op opdragte van die beheerkamer reageer.

N

“My kluis”, jou persoonlike digitale dokumentassistent, waar persoonlike besonderhede op die toep gestoor en bygewerk kan word, en wat insluit persoonlike inligting, adres, kontakbesonderhede, e-posadres, naasbestaandes.

N

Stemboodskapopnames in die geval van nood wat dan aan die beheersentrum gestuur kan word. (Dit word nie gestoor nie.)

N

Meld die volgende aan en ontvang terugvoer van die beheerkamer met betrekking tot verdagte voertuie en voorvalle waar met honde gejag word.

Tegniese bystand, met ’n persoon wat gereed staan om te help indien die telefoontoep probleme ondervind.

Die gratis lidmaatskap is beperkend in vele opsigte, waarvan die belangrikste is dat die noodgevalknoppie ’n outomatiese oproep na jou gekose NRVS of die SAPD word, afhangend van hoe jou NRVS opgestel is.

 *Sluit nie gratis derdepartydienste in nie. Ambulansdienste is vir die gebruiker se koste/rekening.

Apple iStore

Die toep sal jou verduidelik wat om te doen en watter besonderhede jy moet invul.

Android Playstore

Die toep sal jou verduidelik wat om te doen en watter besonderhede jy moet invul.

TEKEN IN

Ons nuusbrief is maandeliks.

Teken in op ons nuusbrief

Sluit aan by ons poslys om die nuutste nuus en opdaterings van ons span te ontvang.

Jy het suksesvol ingeteken!

Subscribe To Our Newsletter

Join our mailing list to receive the latest news and updates from our team.

You have Successfully Subscribed!